[ 會員#24850 ] Wing Kwok
長期胃痛
醫生你好
本人媽媽因為四年前一次跌倒傷及脊椎T12 L1, 從此藥不離身,尤其是係止痛藥,近呢兩年佢胸部對落中間位置一直唔舒服,其實中間都照過兩次胃鏡,都冇發現大問題,但係每次都有胃炎。跟進多年嘅家庭醫生話佢應該係食得太多藥(甲丸,Cymbalta,利痛抑,Stilox CR,特效必理痛,鈣片,維固力,Lansoprazole) 尤其是必理痛,同近期做完脊椎手術所以食埋痛博士⋯⋯佢胸對落中間位置痛就會係咁標汗,忽冷忽熱,手腳麻痹,頭痛,有時甚至膊頭痛。

請問會唔會係胃炎引起?佢本身有焦慮抑鬱,會唔會因為情緒病而引起胃抽筋?佢每一日都會痛,一痛就自然想食止痛藥,好似一個無限循環咁,我唔知搵邊一個科目嘅醫生好,麻煩你俾啲意見我,感謝
謝謝來信,你問的是胃痛,看似同我的本業骨科無關,但醫生看病應整個人看,不能只看人的一部份,所以在這裏也嘗試作答。

胸腹之間的痛,常常難以簡單的診斷是骨痛,心絞痛還是腸胃痛,但較常見的是腸胃問題,猶其是病歷中有服用止痛葯的,但此類病人的痛症也分兩種,一類是空肚子時痛的,是止痛葯的問題,可減少止痛葯及調整胃葯以治療,另一種是吃飽了仍漲痛,那反而是胃葯吃多了,胃酸過少導至消化不良,反而是要減少胃葯了。令堂的痛症在胸腹之間,主觀的診斷是腸胃問題是武斷了,應請醫生作詳細檢查,在我們骨科的範疇上需要細心檢查胸骨,肋骨,腹肌等外,也是常常被誤診為腸胃病的。何況令堂也同時有著肩膀,手足麻痺等症狀,也是骨科醫生需要注意的。

總的來說,詳細的檢查當可找到病因,對症下藥,當能幫上忙的,不要擔心。
以上資料只供參考,不能作診症用途,
請與家庭醫生查詢並作出適合治療.
如身體不適請即搵診所,切勿延誤治療。
如有錯漏請提出糾正,我們會盡快跟進,
本站恕不會負任何責任
Copyright©2022 www.seeclinic.hk
All rights reserved