醫生與醫療資訊

宏康骨科暨物理治療中心

Acorn Orthopaedic and Physiotherapy Centre

[ 會員#24765 ] pww

老人家退化腰痛

你好。醫生。

我媽媽七十五歲，上年12月尾起街比人撞跌後，就開始腰痛，去睇過骨科醫生，照過x光，醫生話腰椎退化、移位，但年紀大，不建議做手術，只開止痛藥和叫佢做物理治療。但因診所離家遠，她怕麻煩，做了幾次就無做物理治療。後來打左支骨質疏鬆針後，又話無咁痛。

直到今年8月，又話痛番，再睇另一個骨科醫生，照x光，又係比止痛藥，叫做物理治療，寫轉介信去排政府醫院。

一星期做一次物理治療，差不多有16次，頭幾次做完，好似好些，但最近又話痛。

早兩星期，終於排到睇政府醫院，但都係見骨科醫生，問下情況，又要等到2月先話照x光。

由頸到腰，已經是嚴重S型，佢成日話痛，見佢好辛苦，我都好無助，其實有無其他治療止痛? 請醫生指教。謝謝。

謝謝來信，從來信可感到令堂之痛楚，和你對她的關顧。痛症治療最要緊的是能找到痛楚的病源，一般X光甚至是磁力共振只能找到嚴重疾患，對痛症診斷只有輔助作用，醫生或治療師親手的詳細的身體檢查測試，反能更有助於診治，令堂已經多位醫生和治療師診治，我反是未曾親歷，故在此不能隨便給意見，但倘若詳細體檢，在現今醫學上找不到病因，只是隨便說退化的，是較少和較難向病人交代的，可再尋求其他骨科醫生的診治，不要過早放棄。

錢炳航醫生